من قلب عالم الكتب والمعرفة… بدأت رحلة أسفار.

معرض الكتاب الدولي مش مجرد مكان لعرض وشراء الكتب، لكنه مساحة بتجمع القرّاء، دور النشر، والعارضين في تجربة واحدة مليانة بالكتب، الفعاليات، والفرص.

ومن هنا بدأت فكرة **أسفار**؛ كتجربة هدفها تسهّل على العارضين والزوّار الوصول للمعلومات والتفاعل مع المعرض بشكل أبسط، سواء في اكتشاف الكتب ودور النشر، أو متابعة الفعاليات، أو الوصول للتفاصيل اللي تهمهم أثناء زيارتهم للمعرض.

ومن هنا بدأت رحلتنا…

**رحلة استمرت 7 شهور كاملة. 🤍**

مش كل مشروع بنشتغل عليه بيكون مجرد مشروع… في مشاريع بتسيب جوانا حاجة أكبر، و**أسفار** كان واحد من المشاريع دي.

7 شهور مرّوا بكل حاجة ممكن تتخيلوها… حماس، ضغط، تحديات، لحظات شك، محاولات كتير، ونجاحات صغيرة كانت بتخلينا نكمل.

كانت رحلة اتعلمنا فيها مش بس عن الشغل، لكن عن نفسنا كمان… اتعلمنا نصبر، نسمع، نتقبل الـfeedback، نعيد المحاولة، ونفهم إن مش لازم كل حاجة تكون perfect من أول مرة.

كل مرحلة في الرحلة كان ليها درس، وكل تحدي قابلناه خلانا نخرج بخبرة جديدة، وكل لحظة تعب كان وراها إحساس جميل لما نشوف قد إيه اتطورنا عن أول يوم.

وبالتأكيد، جزء كبير من التجربة كان بفضل إشراف ودعم **المهندسة سلسبيل زبادي**، اللي كانت موجودة معانا طول الرحلة، بتوجهنا وتدينا الـfeedback اللي يساعدنا نكون أفضل ونشوف شغلنا من زاوية مختلفة. 🤍

دلوقتي وإحنا بنقفل صفحة أسفار، مش بنقفل بس مشروع اشتغلنا عليه لمدة 7 شهور…

إحنا بنقفل **فصل كامل من التعلم والتجربة والنمو**.

ممتنة لكل لحظة في الرحلة، لكل تحدي، ولكل شخص كان جزء منها.

ممتنة لبشمهندسة سلسبيل على وقتها و تعبها معانا و متابعتها لنا في كل خطوة

ممتنة لفريقي الجميل اللي اتشرفت إني أكون جزء منه و التعاون اللي كنا فيه مع بعض

Iman Elhenawy

Menna Refaat

Dina Khalil

Rahiq Mohamed

Awasir Abdelhadi

Rana Wael

**أسفار كانت رحلة… والرحلات الحقيقية عمرها ما بتخلص عند آخر خطوة.

تقدروا تشوفوا ال case study كاملة من هنا

https://www.behance.net/gallery/254826855/Asfar-Book-Fair-Management-System-UXUI-Case-Study

#أسفار #Journey #Learning #Growth #Teamwork #Experience