لو خدت كورسات وحضرت دورات تفاعلية وعندك بيهانس ولحد دلوقتي لسه مش لاقي وظيفية فلازم تاخد بالك من النقاط الهامة دي :

1- بلاش تعمل مشاريع طويلة على بيهانس ، المطلوب منك المشكلة وإزاي حليت المشكلة .. حتى لو كان صفحة واحدة

2- إهتم يكون ليك مشاريع باللغة العربية على بيهانس لإن اللغة العربية تنسيقها أصعب من الإنجليزي ، كمان الإنجليزي ممكن يترك انطباع ان التصميم ده قوالب جاهزة

3- لو انت مبتديء فصعب جداً يكون تصميمك مساوي للتصاميم الاحترافية ، اللي بيراجع أعمالك بيكون عاوز يشوف أعمال مناسبة لمستوى خبرة وللفرصة الوظيفية المتاحة في الشركة

4- لازم يكون ليك مشاريع فردية على بيهانس ، مش كله يكون multi owner ، اللي بيراجع شغلك عاوز يعرف اسلوبك انت ، لكن الاعمال المشتركة مش بتعكس خبرتك انت .. بتعكس ان شاطر في العمل مع فريق .. وده مطلوب ايو .. لكن اهتم بمشاريعك الفردية كمان

5- لازم يكون ليك كورس فردي اخذته اونلاين ، ده بيعكس درجة انضباطك الذاتي اكتر من الكورسات الجماعية .. ده مهم وده كمان مهم

دي بعض الملاحظات اللي لو خدت بالك منها ممكن تزود فرصك الوظيفية إن شاء الله