ليه فيجماوية مش بتتكلم كتير عن الذكاء الاصطناعي؟ 🤔
لأن المجال نفسه لسه بيتطور بسرعة كبيرة وفيه قدر واضح من عدم اليقين
أدوات بتظهر وتختفي
طرق عمل بتتغير
ومهارات كان بيتقال عليها مستقبل المجال من شهور ممكن تقل أهميتها النهارده
علشان كده مش هدفنا نتكلم عن الذكاء الاصطناعي لمجرد إن الموضوع تريند
إحنا عايزين لما نتكلم عنه نقدم للمصمم صورة أوضح:
✅ إيه اللي فعلا يستحق يتعلمه؟
✅ إيه اللي غالبا هيستمر؟
✅ إزاي يستخدم الذكاء الاصطناعي داخل عملية التصميم؟
✅ وإيه المهارات اللي لازم يركز عليها بدل الجري وراء كل أداة جديدة؟
بنحب نفكر في الموضوع شوية زي شركة آبل
ممكن نتأخر – عن عمد – في تقديم ميزة موجودة بالفعل
لكن لما نقدمها بنكون درسناها وفهمنا استخدامها وتأثيرها كويس
وده تقريبا اللي بنعمله مع الذكاء الاصطناعي
مش بنتجاهله
إحنا بنتابعه باستمرار
لكن مستنيين الوقت اللي نقدر فيه نتكلم عنه بشكل يساعد المصممين فعلا ويوفر لهم خارطة طريق أوضح إن شاء الله 🌷
جاري التحميل…