بخصوص كورسات وشهادات فيجماوية في عصر الذكاء الاصطناعي ⚠️

احنا في فيجماوية لما بنصمم كورس او بنتعاون مع جهة داعمة لتوفير كورس أو تصميم تحدي بنكون حريصين جداً على رأي الخبراء قبل الأعضاء

الأسئلة في الكورسات على كل قسم والمواد العلمية المقروءة على كل قسم ومشاريع التخرج في النهاية

كلها مدروسة بعناية بحيث تكون تحدي حقيقي قبل التخرج بحيث تضيف قيمة حقيقية للمصمم في سوق العمل

عارفين ان ده ممكن يكون محبط للبعض و إن ده هيقلل عدد الخريجين الملتحقين بالكورسات أو التحديات .. لكن في النهاية اللي هيتعب وبلتزم لحد النهاية هيتقدر من فيجماوية ومن الخبراء لأننا رسخنا القيمة دي عند الخبراء بفضل الله

⚠️ خبراء المجال لمسوا حرصنا الشديد على الجزئية دي ⚠️

كورسات فيجماوية و إن كانت مجانية إلا إن المصمم بيدفع مقابلها وقت ومجهود وإلتزام حقيقي علشان يتوج مجهوده في النهاية بشهادة ” قابلة للتحقق ” من خلال كود الشهادة أو مسح للكود التفاعلي QR زي الشهادات العالمية 💡

وزي ما وضحنا قبل كده .. فيجماوية بتراقب السوق وبتشوف ايه الفجوة اللي ممكن نساعد في سدها لحين انتشارها في المجتمعات العربية أو مقدمي الدورات التعليمية

والفجوة كانت هي إن المتاح حالياً في السوق ورش عمل ومعسكرات تفاعلية جماعية

وده ممتاز جداً .. لكن بيهمل نقطتين مهمين :

١- مشاريع التخرج بتكون مشتركة ، اللي بيراجع المشروع الخاص بيك مبيعرفش مجهودك الحقيقي في المشروع فبيكون صعب عليه ياخد قرار بتعيينك ، هو آه بيعرف انك بتعرف تشتغل في فريق .. بس ماذا لو كان المطلوب مصمم وحيد في شركة جديدة مفيهاش فريق مصممين ؟ ضروري يكون ليك مشاريع بتعكس خبرتك انت

٢- الإلتزام والصبر والإصرار : دي نقاظ صعب تكون واضحة في ورش التصميم الجماعية لإنك مدفوع بالمجموعة .. لكن لما تاخد كورس مسجل وفيه مواد قراءة ومشروع تخرج نهائي بعد وقت مش قليل وتعمل ده كله لوحدك .. ده بيعكس حبك للتعلم والتحفيز الشخصي .. ودي من اهم الصفات المطلوبة في الموظفين عموماً مش بس المصممين .. روح المبادرة

علشان كده كان دورنا في فيجماوية إننا ندعم الشباب بتوفير كورسات من النوع ده

والتحديات على فكرة حالياً بقت تتبع النهج ده .. ” المناقشات جماعية .. ومشاريع التخرج فردية ”

شجع نفسك وغيرك على الاهتمام بالنوع ده من الكورسات سواء في فيجماوية أو في أي مكان يوفرها وبيديك قيمة حقيقية .. اوعى تزهق من القراءة الطويلة في الكورسات .. في عصر الذكاء الاصطناعي بقى اللي فاهم اكتر ودارس بشكل عميق هو المطلوب .. اداة زي فيجما وغيرها بنكلمها حالياً بالذكاء الاصطناعي .. سواء هي او غيرها .. اللي هيكون عنده علم اكتر ودارس اكتر هيكون هو الافضل .. مش اللي بيعرف يستخدم أداة واحدة بس .. النوع ده من المهارات بقى مهم جداً في عصر الذكاء الاصطناعي

⚠️ ” وخليك فاكر إن قيمة شهادة فيجماوية في عيون خبراء المجال أكبر مما تتصور بفضل الله ” ⚠️

🌷 وإن وفقنا فمن الله 🌷

وعذراً على الإطالة يا شباب