💡هل تعلم (03)
هل تعلم إن المستخدم مش بيشوف كل عناصر التصميم بنفس الأهمية؟
تخيل صفحة فيها عنوان ووصف وصور وأزرار، لكن كل العناصر بنفس الحجم ونفس اللون!
هتبدأ تقرأ منين؟ وإيه أول حاجة المفروض تعملها؟
هنا بيظهر دور التسلسل الهرمي البصري (Visual Hierarchy) 👀
المبدأ ده بيساعدنا نرتب العناصر حسب أهميتها، بحيث عين المستخدم تنتقل من الأهم للأقل أهمية بشكل طبيعي.
🎬 مثال: Netflix
في صفحة الفيلم، اسم العمل بيظهر بشكل بارز، بعده الوصف، ثم زر التشغيل.
الترتيب ده بيساعد المستخدم يفهم المحتوى ويوصل لإجراء المشاهدة بسهولة.
✨ كمصمم UX/UI، افتكر دايمًا:
💜استخدم اختلاف الأحجام لإظهار الأهمية.
💜ميّز الإجراءات الأساسية بصريًا.
💜خلي لكل شاشة نقطة تركيز واضحة.
🧠ومتنساش التصميم الجيد مش بيخلي كل حاجة بارزة، لكنه بيعرف المستخدم إيه الأهم.
💬 شركونا في التعليقات .. لما بتصمم شاشة جديدة، إزاي بتحدد أول عنصر المفروض المستخدم يشوفه؟
جاري التحميل…