ازيك يا صديقي 👀
بقالي فترة شغال على مشروع نَسَق | NASAQ وده من أكبر المشاريع اللي اشتغلت عليها لحد دلوقتي وفيه تفاصيل كتير في الـ UX والـ UI وإن شاء الله النتيجة النهائية تعجبكم

النهارده حابب أحكيلك عن تجربتي مع أدوات الـ AI وإزاي بستخدم كل أداة في الحاجة اللي بتعرف تعملها كويس
1. Claude و GPT
الـ AI المفضل عندي في الشغل هو Claude، لأن إجاباته منطقية ومباشرة ومش بيرغي كتير
عامل عليه Skill خاصة بيا بتساعدني في مراحل الـ UX لحد الـ UI وأهم شرط فيها إنه يتحدى قراراتي ويسألني: ليه اخترت الـ Feature دي؟ وليه الشكل ده؟ وإيه دليلك من الـ Research؟
لو معنديش إجابة مقنعة، لازم أراجع نفسي!

أما GPT الرغاي اللي بحبه 😂❤️ فبستخدمه في النقاشات والعصف الذهني وبستكشف معاه اتجاهات وحلول مختلفة وبعدها بنقل ملخص القرارات لـ Claude علشان يراجعها ويتحداني فيها

2. الـ Research
استخدمت Gemini وChatGPT وPerplexity علشان اعمل 3 تقارير للـ Secondary Research، واللافت إن كان فيه توافق بينهم في نقاط مهمة:
— صعوبة تنظيم الأوردرات الموزعة بين المحادثات والأدوات المختلفة
— المجهود اليدوي في متابعة تفاصيل الطلبات والعملاء
— التحديات مش في المخزون بس، لكن في رحلة الأوردر من التأكيد لحد الشحن والتسليم
وده خلاني أبص للمشكلة بشكل أوسع بدل ما أحصر الحل في إدارة المخزون فقط

3. الـ UI Design
من تجربتي، GPT ممتاز في بناء Structure للصفحات لكن مش بعتمد عليه لوحده في الشكل النهائي
أما Google Stitch فشايف إنه ممتاز في توفير الوقت: أديه Structure واضح والـ Design Direction اللي عايزه وأستخدم الناتج كنقطة بداية على Figma
وبالنسبة للـ Visual Inspiration، اعتمدت على مواقع المنافسين وBehance وDribbble، بجانب Claude Design وFigma Agentو Figmawya Agent علشان أستكشف اتجاهات وأفكار مختلفة

طيب اي الخلاصة؟
مش لازم أداة واحدة تعمل كل حاجة المهم تعرف تستخدم كل أداة في مكانها وتفضل إنت صاحب القرار مش مجرد منفذ لاقتراحات الـ AI
الـ AI يساعدك تفكر، لكن مش المفروض يفكر مكانك (مهمة جدا)

المرة الجاية هشارككم آخر التطورات في مشروع نَسَق ❤️
وبس كدا يا صديقي اشوفك المره الجاية باذن الله 🤍
#UXDesign #UIDesign #ProductDesign #AI